Ýanwar–iýun: Türkmenistan bilen Azerbaýjanyň arasyndaky söwdasy $140,2 milliona ýetdi
2025-nji ýylyň ýanwar–iýun aýlarynda Türkmenistan bilen Azerbaýjanyň arasyndaky söwda dolanyşygy $140,2 milliona deň boldy. Häzirki wagtda Türkmenistanyň Azerbaýjanyň daşary söwda dolanyşygyndaky paýy 0,57% deň bolup durýar, diýip “Trend” agentligi penşenbe güni habar berdi. Azerbaýjandan Türkmenistana nebit däl önümleriň eksporty 29,5 million dollara barabar bolup, bu Azerbaýjanyň umumy nebit däl eksportynyň 1,68%-ni düzýär. Bu görkezijä görä, Türkmenistan Azerbaýjany nebit däl önümleri bilen üpjün ediji ýurtlaryň onlugyna girdi. 2025-nji ýylyň ýanwar–iýun aýlarynda Azerbaýjanyň umumy daşary söwda dolanyşygy $24,4 milliard bolup, onuň $12,88 milliardy eksportyň, $11,52 milliardy bolsa importyň paýyna düşýär. Daşary söwda aratapawudy bolsa $1,36 milliarda deň boldy.